Oui, bonne idée
On commencera par démolir les quartiers des bords de Seine, et puis on réparera la tour Saint-Martin (cruel)
À propos, voici l'acte ordonnant la construction de cette fameuse tour, trouvé aux archives:
Presens en l'ostel de ville le lundy XXVIe jour d'aoust l'an MCCCC LXXVI:
Sire Robert Dunesmes, maire ; Me Guillaume Dunesmes ; Sire Jehan Pelerin ; Nicolas Embrouhart(?) ; Me Luin(?) Nouvry ; Guillaume Cotin ; Jehan de Chevremont ; Jehan Heudouin.
En la presence desquelz se sont comparus oudit hostel de ville Robin Goüel, Robin Giraudin et Ginot Julien, maçons demourans a Mante. Lesquelz dirent et declarerent comme ainsy feüst qu'ilz eüssent prins a faire une grosse tour en la closture de la ville ou lieu dit le coing Saint Martin prés la porte au Saint selon le devis a eulx baillé par ladite ville et leur eüst esté promis bailler toutes les matieres pour la perfection d'icelle tour, lesquelles matieres ladite ville ne peut bonnement faire ne fournir pour le present. Pour quoy a esté accordé aux dessusdits maçons qu'on ne les puisse poursuivre d'aucuns dommaiges ou interestz par ladite ville pour l'imperfection d'icelle tour, offrans a parfaire ladite besongne quant ladite ville leur vouldra querir les matieres.