L'héritage spirituel d'un greffier

En dernière page du registre des délibérations couvrant la période 1412-1417 se trouve une prière, sans doute écrite par le greffier, malheureusement anonyme, qui se laissa aller à un élan de piété. Ce texte est une occasion de se rapprocher de cet homme du passé, ce qui est assez remarquable pour cette époque. Le document a quelque peu pris l'eau et des passages sont effacés, aussi la transcription présente quelques lacunes (plus ce que je n'ai pas encore réussi à lire, et les éventuelles fautes de lecture !). À noter, vers le milieu de la troisième colonne, une soudaine tendance à un français beaucoup plus archaïque, sans raison apparente. Toute personne tentée pour pour boucher les trous est la bienvenue !

... de la […………]

Aidiez moy, sain[…………]
Une gloire, une […………]
Une unité, une epellence,
Un Dieu, un roy, une puissance.
Dieu sans fin, sans commencement,
Qui creates le firmament,
Beausires Dieu, garde moy huy
De mal, de pechié et d'ennuy,
De honte, de mal, de follie,
De courroux, d'orgueil et d'envie,
De dueil, de perte et desesperance,
Et de toute autre meschance
De mal dire, pousser et fere.
Me deffendez, roy debonnaire,
Roy precieulx plain d'amictié,
Conseille moy par ta pictié,
Des yeulx de ton cuer me regarde,
Corps et ame met en ta garde.
Maintiens moy en bonne chëance,
En charité, en pascience,
Et me maintiens en tous vous fais
Et me garde de tous meffais,
Et se que j'ay meffait, beausire,
Qui est le Dieu ou l'on se mire,
Par ta comune doulceur me pardonne
Et par confession me donne
Sy acquitt… de mes pechiéz
De quoy mon cuer est entéchéz
Que, par itel repentance,
Puisse retourner a ta cordance,
Car des pechiéz le cuer m'esmaye
Dieu sires, con je meffait t'aye
De courroux ou de fellonnie,
Ou de convoitie ou d'envye,
Ou de vëoir ou de sentir,
Ou de jurer ou de mentir
De langue, de dens ou de bouche,
Ou de dire villain reprouche
D'yeulx, d'oreilles, de corps, de rains
De cuer, de bras, de piéz, de mains,
Qu'en veillant ou en dormant,
Ou en buvant ou en mengant,
Ou en quelconques autres maniere,
De tout mon cuer je fais priere,
De tout mon cuer mercy je pry,
Pardonnez le moy et je t'en pry,
Et si me donnes conseil tel
Que je ne chesse en peché mortel,
Et garde de toutes follies
Tous mes amis et amyes
Qui m'enseigneront et nourriront,
Tous ceulx qui oncques me bien feront,
Et de qui le bien soit venu
Dont je bois et dont j'ay vescu,
Tous ceulx qui croient en ta loy
Et pour qui je prier te doy,
Par ta doulceur, par ta franchise,
Tous nous a tourné a ton service
Et nous fay a toy si pensser
Par quoy nous puisses trespasser
Parmi les choses terriennes
Pour venir aux celestiennes
Lassus par la plus droicte voye
Ou tu es en parfaite joye
En paradis ou tu as mis
Tes sains, tes esleüs amis,
Ceulx et celles qui passéz sont
En l'autre siecle de cest ……ont
De qui les ames pa……tent
Et mi[s]ericorde attendent.
Beausire Dieux, tu leur pardonnes
Et joye sans fin leur donnes
Par la priere de ta mere,
A qui tu es et filz et pere
De tous sains et de toutes tes saintes
En soiez vous priez en main jointes
Anges [………………]
Et tuit [……………]
Apostres mar……ss……
Et avec le quel de…………
Patriarches vierges de ………
Tuit cilz esliz et cilz eslutre
Qu'ilz vueillent prier devant toy
Que tu ayes mercy de moy,
Tous ceulx et celles qui te croient
Et qui t'aiment et qui te joyent,
A tous mes amis et amies,
Pardonnez pechiéz et follies.
A ton service nous atourne
Et de mal fere nous destourne
Et donne vraye confession,
Repentance et contricion,
Et noz pechiéz tous nous pardonnez
Et joye sans fin nous donnes.
Amen…

Source: AMM, Cote BB2 (1412-1417)