Porte des Comptes
Position approximative : 48.99062,1.72001.
Voir la position : sur Google Maps / sur le Géoportail
En 1536 il fut décidé d'élever un portail entre la collégiale et la chambre des comptes. Le portail plus l'escalier qui menait au bas du fort coûtèrent 1500 livres à faire. Elle a été construite en pierre de Vernon.
La porte des comptes souffrit énormément de la Révolution, où elle subit d'importantes dégradations que où l'on gratta ses ornements. Le temps a également fait son œuvre en rongeant la pierre, gâtant ce qu'il pouvait rester. Elle échappa de peu à la destruction complète en 1944, sous les bombes alliées. Après la guerre, une nouvelle rue portant son nom fut tracée.
Aujourd'hui, elle est ruinée et n'a plus grand chose à voir avec ce qu'elle était autrefois. Une judicieuse et complète restauration pourrait lui rendre une partie au moins de son charme d'origine.
Ci-dessous, le texte des délibérations ordonnant la construction de la porte des Comptes (avec encore quelques trous)
Aujourd'huy, en presence des dessusdits, a esté marchandé et par eulx baillé a faire bien et deüement à Nicolas Delabrosse, maistre juré sur le fait de masonnerie du baillage de Mante pour le Roy nostre seigneur, à faire le portail de la desente de auprés de l'eglise Nostre Dame de Mante qui est entre l'eglise et l'escolle (aultrement apellee la Chambre des Contes), laquelle contient en portail et masonnerie dix huit piedz ou environ, et en icelle faire de bonne pierre de taille de Vernon ce qui ensuit.
- Premierement. De faire le portail de huit a neuf piedz de large ou environ; sera sa haulteur de dix piedz et faire la muraille et parpains de l'espesseur de dix à unze poulces avecques la saillye des pilliers con...ns de...bassemens chapitaulx et cornisses, telles comme le pourtour par luy baillé le monstre, et comme il appartient et de bonne pierre de taille de Vernon comme dit est.
- Item. De faire bien et deüement de ladite pierre de taille de Vernon au dessus de la seconde corniche ung tabernacle ou il y aura une Nostre Dame, laquelle se monstrera à deux costés, tant du costé du fort que du costé du parvis, laquelle sera de haulteur de troys piedz ou environ, lequel tabernacle sera amorty comme il est sur le pourtait tant d'un costé que d'aultre, et faire des pilliers, moullures et corniches tant d'un costé que d'aultre, ce qui s'en pourra monstrer, et pourra le tout monter jusques à la haulteur de vingt quatre à vingt cinq piedz ou environ a partir de depuis le bas jusques a l'amortissement du tabernacle et selon le contenu du pourtrait et de ladite pierre de taille de Vernon.
- Item. De achever de pierre de taille de Vernon la desente comme elle est commencee, c'est assavoir les apuis qui sont en hault et les faire jusques en bas comme ilz sont commencés, et les faire de pareille espoisseur de celle qui y est, et cranponner lesdits apuis a cranpons de fer-assier en pelon. Aveques ce, refaire six piedz de marche qui sont cassés et ronpus et le tout faire bien et deüement, c'est assavoir les pilliers corniches et ce qui est sur le portail de pierre de Vernon et le residu d'autre pierre de taille et remanyer, rasoir et retailler les marches dudit lieu ensemble. De refaire l'apuis estant vers l'escolle de pierre de taille comme le surplus, et le cranponer a cranpons de fer-assier en pelon, avecques cecy, faire et assoir une gargoulle de ladite pierre de Vernon sur le carré du milleu de la desente pour geter l'eaue hors d'icelle desente.
- Reformer et relater le carré qui porte les marches, tant desus que dehors, jusques au rez de chausee et de icelle besongne, le tout rendue bien et deüement fete et certiffiee desdits le jour de pasques prouchain, venant et entretenir ladite besongne entiere et bien faite ung an et jour entier aprés qu'elle aura esté raportee et certiffiee parfaite et suffisante, et ad ce faire c'est ledit Delabrosse obligé corps et biens a tenir prison close de service ou deffaulte et aura par luy de faire ladite besongne comme dit est cy dessus, ce fait moiennant la somme de cent livres parisis qui luy en seront paiés par les prevostz de la chapse et fabrique Nostre Dame de Mante et icelle a tenue en leurs actes en aportant ladite entifficacion et quite dudit Delabrosse.
Source: AMM, BB21, année 1536
